تى شيرتات "Nas"

فكرة "ناس" هى ماركة جديدة ابتدعها مجموعة من الشباب تحملها تى شيرتات من تصميماتهم، أنس وكريم هما صاحبا الفكرة التى انطلقت لتشمل جروب، هم جروب "ناس".
يقول كريم مراد خريج الأكاديمية البحرية 2008 عن المشروع "بدأنا من شهر يوليو، أنا وأنس وهو خريج إدارة أعمال جامعة أمريكية، واتنين مهندسين من أصحابنا من خريجى الأكاديمية، الفكرة بدأت عند أنس، لقينا التى شيرتات إللى فى السوق مكتوب عليها حاجات لا تعبر عنا، أو حاجات مش فاهمنها، فحبينا نغير ثقافة الشباب من خلال ما يلبسونه، فالملبس له معنى، وهو يضيف قيمة أو يخصم قيمة من حياتنا.

وتابع "دورنا على حاجات يا إما قريبة من الناس، أو حاجات قربنا ننساها زى انتصاراتنا فى حرب أكتوبر 1973، حطينا على أحد التى شيرتات ديزين يحمل كلمة كايرو للشباب إللى عايز يهاجر، وديزاين آخر لمالكوم إكس مثلا لأننا بنحب أفكاره عن مناهضة الاضطهاد وشايفينه رمز، وهكذا عملنا تصميمات من فى عمرنا يحب يشوفها".

وعن الإمكانات وتفاصيل المشروع يضيف كريم "إمكانياتنا وفرناها ذاتيا، أنس عمل الديزاين، وواحد صاحبنا كان عنده مصنع عمل لنا المنتج، اخترنا خامات جيدة جدا مستوى جودتها مقاربة للماركة، بدأنا بـ1313 قطعة، بعنا منها حتى الآن 650، منافذ العرض ركزنا فيها على ساقية الصاوى، وبنفكر نعمل منافذ فى الجامعات لأن مستهدفنا هو الشباب، وحاليا بنجهز لكوليكشن الشتاء، وديزاين جديدة، خاصة الكتابة بالعربى".



















منقول من
http://www.youm7.com/News.asp?NewsID=136205

عجبتني فكرة اننا نلبس حاجة فهمنها, بالذات ان نص الشباب مش فاهم هو لابس ايه و كمان الاطفال كل لبسهم سوبر مان و بات مان ... لازم نتعلق بلغتنا و تاريخنا و نفتخر بيهم.. و انا متفألة ان يكون الخبر ده البداية لتغير الأمة.

{لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللّهِ إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }الرعد11