حوار بين طفل ساذج وقط مثقف

حوار بين طفل ساذج وقط مثقف by أحمد بهجت
My rating: 3 of 5 stars

كتاب غريب جدا .. مش عارفة اصنغه، كان بيتكلم على الطفل و علاقته بأهله (امه، والده، جدته) و مذاكرته و بنت الجيران و المدرسين، و ساعات بيتكلم عن تجارب الطفل لما كبر، و ساعات يتكلم عن ذكر القط لله، انه بيقول حكم، جعان و بيقنع الولد ازاي يجيب اكل من غير ما والدته تاخد بالها، بيسرح بالولد انه امير و اتحول قطة، مخنوق من الولد و بيستخف بانه مش فاهم حاجة.

ده ملخص الكتاب الغريب .. في النهاية هو عبارة عن كوكتيل عجيب اول مرة اشوف حاجة كده. و احساسي اتجاه كان كوكتيل برده .. شوية بحس انه ممل و شوية احسه بيوصف مشاعر رائعة زي علاقة الولد بجدته و لما القط كان بينصح الولد يزاكر ازاي قبل الامتحان. و برده بيطرح مشاكل التعليم ازاي ان فيه مواد ممكن تدرس بشكل افضل. بس مجمل الكتاب انا مش عارفة الكاتب كان عايز يوصل لايه و لا بيخاطب اي فئة عمرية و اول مرة اقرأ ليه حاسة اني عايزة اقرأ ليه حاجة تانية علشان اعرف هو ده الستايل و لا الكتاب ده حالة استثنائية.

View all my reviews