Men Are from Mars, Women Are from Venus by John GrayMy rating: 5 of 5 stars
الكتاب رائع لفهم الاختلافات بين الرجال والنساء من عدة جوانب .. اسلوب الكاتب اكاديمي بحت فهو يبدأ بشرح الفكرة ثم يستفيض في تفاصيل جانب معين ثم ينتقل لجانب اخر ثم يربط كل ما سبق بالفكرة الرئيسية وأحياناً يكثر من طرح الأمثلة .. مما يؤدي لملل في بعض الاحيان. و لكن في المجمل الكتاب مفيد جدا و عندما يطيل في الشرح فهو يعمق المعنى اكثر من انه بيملى صفحات الكتاب .. يعني رغي من النوع المفيد.
اكتر فصول عجبتني (9 - 10 - 11 - 12 - 13):
الفصل 9 بيتكلم عن ازاي تتفادى المجادلات و اللي بيكون سببها الاساسي هو الاسلوب في التواصل اكتر من الحاجة اللي بنتجادل عليها.
الفصل 10 بيتكلم عن احراز نقاط عند الطرف الآخر، بمعنى ايه الحاجات اللي ممكن تسعده و لو عملتها ماذا تعني له علشان ميكونش عندي توقع زائد عن اللازم.
الفصل 11 كيفية نقل المشاعر السلبية، بيتكلم عن استخدام الكتابة كوسيلة لمعالجة الطاقة السلبية و تكسر حدة الغضب اللي جوانا علشان نركز مع المشكلة الحقيقية و نحلها و ممكن نلقيها مكنتش مشكلة اصلا :) .. و الحلو ان الطريقة في الكتابة اللي بيقترحها تنفع لأي مشكلة حتى لو مش من شريكك .. من اي انسان عايش ميت .. حتى من نفسك.
الفصل 12 طلب الدعم، ده للنساء فقط و هو فعلا مهم لكل واحدة مش بتحب تطلب من زوجها و تستنى هو يجمع لوحده و يحس، الفصل ده حيقنعك انه مش حيجمع و لا حيحس :) .. مع اعتراضي علي المستوى الثالث في طلب الدعم التأكدي لأني شايفة ان دي حاجة نجحت مع الكاتب و زوجته لكن مش شرط تنجح مع باقي الناس لأنها تعتمد على شخصية الطرفين.
الفصل 13 بيتكلم عن ابقاء سحر الحب و ختم بيه الكتاب و هو عن ازاي ان حتى لو كل حاجة كويسة في العلاقة و نسبة التفاهم عالية ممكن تبقى مضايق و السبب ان لما بتشعر بحب و راحة و امان مع حد بتتحرر مشاعر سلبية من الماضي كانت جواك و ضرب مثل رائع ان في بلاد كانت بتقوم باتهاض فئات من المجتمع و بعد فترة لما اعطوهم حققهم ثاروا و هاجوا و يسمى ب "رد الفعل المؤجل" بمعنى ان مشاعر مكبوتة تظهر بشكل مفاجئ بسبب اهتمام اشخاص بحالنا و وضعنا.
اخيرا، قرأت انتقاد ناس كتير بتقول ان الكتاب عنصري.. انا شايقة ان الكاتب كان بيجي على الراجل شوية و الستات شوية و يطبطب هنا شوية و يطبطب هناك شوية.. لكن يمكن حد ياخد الكلام بشكل شخصي لكن انا شايفة ان الكاتب عمل اللي عليه.
View all my reviews
No comments:
Post a Comment